TAFAKARI YA LEO, UMEDHIBITISHA?

TAFAKARI YA LEO; UMEDHIBITISHA?

Mtoto mdogo, ambaye ndio anakua kama akikaa kwenye kiti vibaya na hivyo akaanguka, huwa anahusisha kiti na kuanguka kwake. Hivyo anaweza kukiogopa kiti moja kwa moja, kwa kukihusisha na maumivu aliyoyapata.Ila ukweli ni kwamba, hatari sio kiti, hatari ni jinsi alivyokuwa amekaa kwenye kiti kile. Labda alikaa kwenye kona sana ikawa rahisi sana kuanguka.

  Tabia hii tumekwenda nayo mpaka ukubwani, tunapokutana na hatari yoyote, au maumivu yoyote, tunakimbilia kukwepa kabisa hali ile. Bila ya kukaa na kuhoji ni kipi hasa ambacho hakikwenda vizuri.
Umeingia kwenye biashara na ukapata hasara, halafu unaishia kusema biashara mbaya sana, sifanyi tena. Lakini huo sio ukweli, ukweli ni kwamba kuna mambo uliyofanya kwenye biashara ambayo yalisababisha upate hasara. Labda hukuwa makini, labda hukuajiri watu waaminifu, labda hukuweka ubora na mengine mengi.

  Au kwenye mahusiano, unaingia katika mgogoro na kujikubalia mwenyewe kwamba mahusiano ni hatari kabisa, hayafai. Kumbe kuna mambo ambayo ulifanya, au hukuwa makini na yamepelekea wewe kuingia kwenye matatizo.
Muhimu ni kudhibitisha ni kipi kweli kimepelekea wewe kuishia kwenye hali ambayo hukuitaka, na baada ya hapo ndio uchukue hatua.

Siku ya leo tafakari ni mara ngapi umekuwa unakwepa mambo kwa ujumla kwa sababu ya changamoto ulizokutana nayo awali. Tafakari ni kwa  kiasi gani umekosa fursa nzuri kwa kuepuka moja kwa moja.
Amua leo kuhakikisha uhukumu jambo lolote mpaka udhibitishe ukweli uko wapi na umehusikaje nao.
NAKUTAKIA SIKU NJEMA SANA RAFIKI.

Comments

Post a Comment

Popular posts from this blog

ZIFAHAMU FAIDA ZA NANASI KAMA DAWA MWILINI

Image
Nanasi ni mojawapo ya matunda niyapendayo sana. Ni matamu, yana maji mengi, na ladha iliyo kamili. Nimeona ni vizuri kuweza kuchangia mawazo yangu juu ya faida kubwa za kula nanasi kwa wingi ili kuweza kuboresha afya yako. Cha msingi zaidi, nanasi hutumika kama dawa ya kuulinda mwili mwako. Tuangalie faida moja moja za nanasi kwa mwili wako: 1.Kuondoa Uvimbe . Nanasi ina kimeng’enya kinachoitwa bromelain, kinachosaidia kutibu vitu mbalimbali mwilini lakini ni madhubuti kwa kupunguza uvimbe wa ngozi kutokana na maambukizi au vidonda. Bromelain ni madhubuti pia katika kupunguza mauvimu ya viungo au uvimbe sugu. Kimeng’enyo hiki pia kina kemikali zinazosaidia kuangamiza seli za uvimbe mwilini. 2.Kuongeza kinga ya mwili . Nanasi lina vitamin C kwa wingi pamoja na vitamin A, B1, B6, nyuzinyuzi (fiber), calcium, phosphorous na potasiam. Nanasi husaidia kuimarisha mifupa kutokana kuwa na madini ya manganese, ambayo hutumika mwilini kujenga tishu (connective tissues) na mifu...
Read more

FAIDA KUMI ZA MAPERA MWILINI.

Image
Mapera ni matunda yanayo patikana kwa wingi lakini mara nyingi huwa hayapendelewi sana kutokana na ugumu wake wakati wa kuyatafuna pamoja na kuwa na mbegu mbegu nyingi. Hata hivyo matunda haya yana faida kubwa sana kwa afya ya mwili wa mwanadamu. Zifuatazo ni faida kumi za mapera. 1. Utajiri wa Vitamin C: Mapera yana utajiri mkubwa wa Vitamin C ambayo ni muhimu sana katika mwili wa mwanadamu. 2. Ni kinga nzuri ya kisukari. Ulaji wa watu wengi unawaweka katika hatari ya kupatwa na ugonjwa wa kisukari lakini matumizi ya mapera yatakupunguzia hatari ya kupatwa na ugonjwa wa kisukari Hii ni kwa sababu mapera yana utajiri mkubwa sana wa Fibre. Fibre ni muhimu sana katika kupunguza kiasi cha sukari kwenye damu. Vilevile ni muhimu sana katika kuusafisha mfumo wa usahihi. 3. Kuimarisha Uwezo Wa Kuona Mapera yana utajiri mkubwa sana wa Vitamin A au Retinol ambayo ni muhimu sana katika kusaidia kuona vizuri. Hivyo basi kama ilivyo kwa karoti, mapera yanasaidia sana katika kuongeza na ku...
Read more

FAIDA ZA MMEA WA GINSENG

Image
FAIDA ZA MMEA WA GINSENG. Ginseng ,au maarufu kama “king of herb” (mfalme wa mimea). Mmea huu umekuwa moja ya maajabu ya dunia kutokana na uhodari wake katika matibabu.  Mmea huu unapatikana hasa kaskazini  mwa America na Mashariki mwa Asia(hasa kaskazini mwa china,Japani na Korea) hasa maeneo yenye baridi. Kuna aina kuu mbili za mmea huu : American Ginseng(Panax quinquefolium) na Asian Ginseng au China ginseng(Panax ginseng) American Ginseng ni  zenya asili ya ubaridi( Ying energy) na Asian Ginseng ni zenye asili ya ujoto(Yang ginseng) , hivyo  basi watu wenye asili ya ubaridi  au waishio maeneo ya baridi  wanashauriwa kutumia Asian ginseng ili waweze kupata joto na wale wenye asili ya joto au waishio maeneo ya joto wanashauriwa kutumia American ginseng kwaajili ya kuongeza baridi katika mili yao. Vinginevyo matatizo makubwa yanaweza kujitokeza hasa kwa watu wenye shinikizo la damu . Mbali na utofauti wote huo lakini mimea yote ina kiungo ...
Read more