JINSI YA KUANZA BIASHARA BILA MTAJI.

JINSI YA KUANZA BIASHARA BILA MTAJI.

SEHEMU YA 1:

Habari yako ndugu msomaji wa makala zangu.  Ni siku nyingine tunakutana hapa kwa ajili ya kuelimishana na kupeana maarifa kwa ajili ya kutoka katika janga hili la umaskini na kujikomboa kifikra.

Ashukuriwe Mungu alie juu, kwa kuendelea kuniweka hai mimi Frank A. Ndyanabo, natumai nawe ni mzima wa afya.

MUNGU wetu ni mwingi wa rehema na ndio maana kila mtu kamjalia karama mbali mbali.  Na mimi Frank, kanijalia kipaji cha kukuelimisha wewe, na pia kwa kujua kuwa wewe ni muhimu sana kakujalia akili ambazo ndio mtaji mkubwa katika maisha yako.   Kwa mantiki hiyo akili ndio chanzo cha mambo yote, tunapoenda katika mada yetu tutaona jinsi gani Mungu huyu alivyo na makusudi yake katika hili. Kila mtu ameumbiwa utajiri na akili ila tunatofautiana katika matumizi tu. 

Katika kuanza biashara unatakiwa kuumiza sana kichwa kwa kuishughulisha akili yako ili uweze kushinda,  haipo siku hata moja ambayo utamsikia mtu amekuwa tajiri pasipo kutumia akili yake vizuri.  Kichwa chako kina majibu ya kila namna na kina utatuzi wa kila jambo hapa duniani, hivyo basi lazima ujue kuwa utajiri unao na lazima uwe tayari kuupata kwa kutumia akili yako vizuri.
Katika ukurasa huu naenda kukuonyesha  mambo mawili ambayo yatakuwa ni ufumbuzi wa tatizo hili linalotukabili tulio wengi hapa duniani na kuondokana na mawazo kuwa kila kitu au biashara kuanzisha lazima uwe na pesa kubwa.

KUFUATA KITU UNACHOKIPENDA (Follow your Passion)

Kila mtu hapa dunia ana kitu fulani anachokipenda, kiasi kwamba akikikosa au akishindwa kukifanya basi ujihisi unyonge wa ajabu.  Hata mimi Frank A. Ndyanabo, nina kitu ambacho nakipenda, unataka kujua kitu gani nakipenda?  Usihofu lazima nikujuze,  mimi katika maisha napenda sana kufundisha, hasa masomo ya biashara.  Katika idara hii huwa najisikia furaha sana ninapokuwa nazungumzia maswala ya biashara na kuhamasisha watu kujiongezea kipato.

Nakumbuka siku moja tulialikwa mimi Frank A.  Ndyanabo na rafiki yangu Dr. Mkumbo, ili twende sehemu kutoa elimu ya biashara ila mkutano huo ulikuwa umegawanyika katika makundi makuu mawili, biashara na afya.  Tulivutana sana katika kugawana mada za kuzungumza katika mkutano huo, ila mwisho wa siku ilibidi Dr Mkumbo akubali kwa kuniachia kipengele cha biashara, kiukweli idara hii najisikia huru sana ninapokuwa nahamasisha na kufundisha watu juu ya biashara.

Sasa na wewe jiulize ni kitu gani katika nafsi yako unahisi kina nguvu ya pekee na mvuto wa ajabu pale unapokifanya? Ulishawahi kupita mtaani ukakuta watu fulani wanafanya jambo fulani ukatamani kukaa uwatazame na mpaka unatamani ushiriki maana ni kitu kinachokuvutia na unakipenda?

Ukiweza kugundua kitu hicho basi usifanye mzaha, huo ndio mtaji wako.  Mfano kama wewe unapenda kuchekesha, kuimba, kusuka, mitindo na ubunifu, sarakasi, utunzi wa nyimbo na mashahiri, kufundisha, kuhubiri, n.k basi tumia nafasi hiyo kutengeneza pesa bila mtaji wowote. 

Kuna jamaa mmoja aliniuliza, hivi Frank, hiyo biashara naanzaje bila pesa ikiwa mimi nina kitu ninachokipenda ila sina pesa kabisa?  Jibu ni rahisi tu, unatakiwa ujitambue kuwa hicho kitu unaweza kukianza bila kuwa na kiwango chochote cha pesa.   Ukweli uko hivi, kuna vipawa vinaweza kufanyika bila kuwa na pesa yoyote na vikakuingizia pesa. Hebu angalia mifano hii ifuatayo:

Mfano 1. Unapenda sana kufundisha na una ujuzi juu ya hilo, unaweza kutangaza kozi au semina mbalimbali kisha kwa wale watakao weza kushiriki wakawa wanachangia kiasi kidogo cha pesa, na kumbuka watu hao wanatoa pesa kabla ya kuanza hiyo kozi au semina basi kutokana na pesa hiyo utajikuta unakusanya pesa ambayo itakuwa ndio mtaji tosha kuianzisha biashara yako.

Mfano 2.  Yawezekana una jambo fulani ambalo unandoto nalo na unalipenda sana kama nilivyosema hapo nyuma,  waweza kuandika, Proposal kisha ukaituma au ukaipeleka katika taasisi fulani zinazosaidia watu, kisha ukaweza kujipatia pesa na ukaanza biashara yako na ukatimiza ndoto yako. 

Tatizo letu hatutaki kutumia akili zetu vizuri, na mara nyingi hutanguliza kushindwa katika mambo yetu. Mwisho wa siku tunashindwa kutimiza ndoto zetu.  Tusikate tamaa na tuwe tayari kuitumia akili yetu vizuri. Fikiria mara mbili mbili juu ya jambo hili na hakika utanipa majibu yake.

KUTUMIA KIPAJI CHAKO (USE YOUR TALENT)

Mungu ni wa ajabu, hakutaka kumnyima mwanadamu  karama bali alimpatia kila kitu ili ashindwe mwenyewe.  Ndio maana kila mtu anatofautiana na mwingine kimaumbile, kimtazamo na kifikra, vivyo hivyo hata katika vipaji tunatofautiana.

Ebu jiulize hapo ulipo unakipaji gani?  Juzi nilikuwa naangalia matukio katika mitandao mbali mbali,  nikakutana na video fupi ya Wasanii walio karibishwa Ikulu kwenda kuonana na Mheshimiwa Raisi wa Tanzania,  basi ilitokea sehemu msanii maarufu Tanzania, Masanja alipata nafasi ya kuchangia, kitendo tu cha kushika microphone kila mtu alijikuta anaangua kucheko,  na kila neno alilokuwa akizungumza kila mtu alicheka, sasa apo unajifunza nini, hii inaonyesha kipaji cha Masanja ni uchekeshaji maana kila anachofanya kinakuwa burudani kwa watu.  Kwa maana hiyo ikitokea leo hii ukaambiwa Masanja anakuja kijijini kwako au mtaani kwenu na unaambiwa kumuona ni 10,000/= naamini utatoa, si ndio?  Sasa jiulize apo kuna pesa gani amegharamika kupata pesa,  yeye anauza maneno tu wewe unampa pesa, ndio maana huwa napenda msemo wake kuwa, "wewe unacheka na TV mimi naingia siku"

Ebu tuangalie na hii,  wewe yawezekana una kipaji cha kufundisha na unatamani siku moja umiliki shule maana wewe ni mwalimu na unataka kuwa Billionea ila huna mtaji wa kufungua shule hiyo, na umeajiriwa kamshahara kako ni  kakuendesha maisha tu ya kila Siku, Sasa kwa kutumia kipaji chako cha ufundishaji,  anzisha training center ambayo utaisimamia mwenyewe, hicho kituo chako kumbuka wanafunzi watakuwa wakilipa ada ya ufundishaji, kupitia ada hizo ndio utakuwa mtaji wako wa kutimiza ndoto yako ya kuwa na shule kubwa.

Mfano mwingine, ni kuhusu watu wenye kipaji cha kuimba.  Leo hii kuna mtu Afrika asiye mfahamu Diamond au Ali kiba, Vanessa, Lady Jaydee na wengine?   Wewe ata kama unakipaji cha kuimba nyimbo za injili imba sana na uza copy zako utajipatia pesa, na hakikisha unatengeneza kitu chenye ubora na chenye kuvutia,  mfano Tanzania kuna television moja ina kipindi cha hawavumi lakini wamo, unaweza kutumia nafasi hiyo kwenda kujitangaza, kwakuwa huna mtaji na hujui wapi pakuanzia, ukapata nafasi ya kujitangaza bure na ukatambulika.   Hii ndio nafasi yako unapaswa kuitumia.

Kwa wale ambao mna vipaji vingine ambavyo sijavitaja ebu vitumieni kujitengenezea pesa ambayo mnatamani kuwa nayo maishani mwenu.  

Mwisho, nikwambie kuwa katika maisha hakuna kinachoshindikana, chamsingi utumie akili yako na usikate tamaa.

Basi leo tuishie hapa, na nikukaribishe katika sehemu ya pili ili uweze kuendelea kupata maarifa haya ninayoyatoa kwako bure kabisa. 

Ni mimi,  Mshauri na Mkufunzi (Business Consultant) wako,
Frank A. Ndyanabo - FAN
+255 785 494 456,
www.fancompany.blogspot.com

Comments

Post a Comment

Popular posts from this blog

ZIFAHAMU FAIDA ZA NANASI KAMA DAWA MWILINI

Image
Nanasi ni mojawapo ya matunda niyapendayo sana. Ni matamu, yana maji mengi, na ladha iliyo kamili. Nimeona ni vizuri kuweza kuchangia mawazo yangu juu ya faida kubwa za kula nanasi kwa wingi ili kuweza kuboresha afya yako. Cha msingi zaidi, nanasi hutumika kama dawa ya kuulinda mwili mwako. Tuangalie faida moja moja za nanasi kwa mwili wako: 1.Kuondoa Uvimbe . Nanasi ina kimeng’enya kinachoitwa bromelain, kinachosaidia kutibu vitu mbalimbali mwilini lakini ni madhubuti kwa kupunguza uvimbe wa ngozi kutokana na maambukizi au vidonda. Bromelain ni madhubuti pia katika kupunguza mauvimu ya viungo au uvimbe sugu. Kimeng’enyo hiki pia kina kemikali zinazosaidia kuangamiza seli za uvimbe mwilini. 2.Kuongeza kinga ya mwili . Nanasi lina vitamin C kwa wingi pamoja na vitamin A, B1, B6, nyuzinyuzi (fiber), calcium, phosphorous na potasiam. Nanasi husaidia kuimarisha mifupa kutokana kuwa na madini ya manganese, ambayo hutumika mwilini kujenga tishu (connective tissues) na mifu...
Read more

FAIDA KUMI ZA MAPERA MWILINI.

Image
Mapera ni matunda yanayo patikana kwa wingi lakini mara nyingi huwa hayapendelewi sana kutokana na ugumu wake wakati wa kuyatafuna pamoja na kuwa na mbegu mbegu nyingi. Hata hivyo matunda haya yana faida kubwa sana kwa afya ya mwili wa mwanadamu. Zifuatazo ni faida kumi za mapera. 1. Utajiri wa Vitamin C: Mapera yana utajiri mkubwa wa Vitamin C ambayo ni muhimu sana katika mwili wa mwanadamu. 2. Ni kinga nzuri ya kisukari. Ulaji wa watu wengi unawaweka katika hatari ya kupatwa na ugonjwa wa kisukari lakini matumizi ya mapera yatakupunguzia hatari ya kupatwa na ugonjwa wa kisukari Hii ni kwa sababu mapera yana utajiri mkubwa sana wa Fibre. Fibre ni muhimu sana katika kupunguza kiasi cha sukari kwenye damu. Vilevile ni muhimu sana katika kuusafisha mfumo wa usahihi. 3. Kuimarisha Uwezo Wa Kuona Mapera yana utajiri mkubwa sana wa Vitamin A au Retinol ambayo ni muhimu sana katika kusaidia kuona vizuri. Hivyo basi kama ilivyo kwa karoti, mapera yanasaidia sana katika kuongeza na ku...
Read more

FAIDA ZA MMEA WA GINSENG

Image
FAIDA ZA MMEA WA GINSENG. Ginseng ,au maarufu kama “king of herb” (mfalme wa mimea). Mmea huu umekuwa moja ya maajabu ya dunia kutokana na uhodari wake katika matibabu.  Mmea huu unapatikana hasa kaskazini  mwa America na Mashariki mwa Asia(hasa kaskazini mwa china,Japani na Korea) hasa maeneo yenye baridi. Kuna aina kuu mbili za mmea huu : American Ginseng(Panax quinquefolium) na Asian Ginseng au China ginseng(Panax ginseng) American Ginseng ni  zenya asili ya ubaridi( Ying energy) na Asian Ginseng ni zenye asili ya ujoto(Yang ginseng) , hivyo  basi watu wenye asili ya ubaridi  au waishio maeneo ya baridi  wanashauriwa kutumia Asian ginseng ili waweze kupata joto na wale wenye asili ya joto au waishio maeneo ya joto wanashauriwa kutumia American ginseng kwaajili ya kuongeza baridi katika mili yao. Vinginevyo matatizo makubwa yanaweza kujitokeza hasa kwa watu wenye shinikizo la damu . Mbali na utofauti wote huo lakini mimea yote ina kiungo ...
Read more