JINSI YA KUANZA BIASHARA BILA MTAJI. SEHEMU YA 2

JINSI YA KUANZA BIASHARA BILA MTAJI.

SEHEMU YA 2 :

Habari yako ndugu msomaji wa makala zangu, natumaini ni mazima wa afya.  Nikukaribishe katika mwendelezo wa darasa hili ambalo leo tunaingia sehemu ya pili, ili kuweza kutazama mambo gani yanaweza kutusaidia ili kuweza kuanza biashara zetu bila mtaji.   Utakuwa nami Mkufunzi na Mshauri wako wa maswala ya biashara, Frank A Ndyanabo. Karibu twende pamoja:

TUMIA ELIMU YAKO (USE YOUR KNOWLEDGE)

Hili limekuwa ni tatizo kubwa kwa tulio wengi.  Tunapomaliza shule tunawaza kuajiriwa, ulisha jiuliza kiwango cha wahitimu na idadi ya ajira zilizopo?

Takwimu zinaonyesha kuwa ajira ni chache ukilinganisha na idadi ya wahitimu wa vyuo nchini hasa apa Tanzania.  Nakumbuka mwaka juzi zilitangazwa nafasi za kazi uhamiaji, walioshiliki katika interview ya hawali walikuwa ni maelufu ya watu mpaka mamlaka husika wakakosa mahali pakuwaweka wakawapeleka uwanjani wa taifa. Sasa jiulize kama interview inafanywa na watu zaidi ya 25000 unafikiri nani atakuwa na muda wa kusahihisha makalatasi yote hayo?
Bado Juzi tu TRA walitangaza nafasi watu wakajaa tena vilevile.  Hii ikupe picha kuwa lazima tufikirie nje ya ajira. Sio kila ukimaliza tu shule unawaza kuajiriwa.  Tusiwe kama wanafunzi wawili wanao soma kazi moja lakini kila mmoja anawazo lake baada ya kuhitimu, mmoja anawaza baada ya apo akaajiliwe na mwingine anawaza akafungue kampuni yake.  Unafikiri hawa wako sawa kimtazamo?  Maana yake mmoja yuko mbele kifikra kwa miaka 50 na mwingine anawaza kesho tu apo.

Chakufanya sasa wewe kama una elimu yako fikiria kuiweka katika matendo, usiwaze kwenda kuiweka rehani elimu yako.  Kumbuka apo unapoenda kufanya kazi unatimiza ndoto ya mtu.  Sasa basi ebu buni mradi ambao unatokana na elimu yako.

Ebu tuangalie katika jamii zetu tunamoishi unafikiri elimu yako haiwezi kuwa suruhisho la matatizo yalio katika jamii yako?  Nina marafiki wengi ambao wamefanikiwa katika hili kwa kutumia elimu zao na sasa maisha yao ni mazuri.  Mfano mzuri, kuna rafiki yangu mmoja ni Mwanasheria kafungua office yake ya kutoa ushauri wa kisheria, mwingine ni Daktari kuanzisha taasisi yake inayohusika na maswala ya afya.  Haya mambo yanawezekana kama una mtazamo chanya wakutimiza ndoto yako.

Yawezekana wewe ni Mwalimu, fungua kituo cha elimu kwa watoto, kama wewe ni Mtaaramu wa maswala ya biashara kama mimi Frank anzisha taasisi yako ya ushauri au mradi utakao endana na elimu yako.  Na haya mambo yanawezekana kabisa, ukiwa mbunifu mzuri au ukipata washauri wazuri basi utaona maajabu ya point hii.

Najua Utakuwa unajiuliza haya yanawezekanaje bila pesa, nakuhakikishia hili linawezekana ndugu yangu, bila kuwa na pesa.  Katika masomo yangu yanyofuata nitakufundisha jinsi ya kuwekeza au kuanza biashara kwa kutumia pesa za watu na watu kufanya biashara.

TUMIA UZOEFU WAKO (USE YOUR EXPERIENCE)

Hii ni njia nyingine inayoweza kukusaidia katika  kuanzisha biashara.  Unajua unapokuwa na uzoefu na jambo fulani ni rahisi kuliendesha pasipo kuitaji msaada wowote kutoka kwa mtu.  Mfano wewe ni Fundi magari, yani gari likiletwa kwako hupati shida, lakini huna office bali uko kwenye garage ya jamaa au rafiki yako.  Anzisha garage yako na uanze kutengeneza pesa.  

Wiki iliyopita nilikodi gari ya jamaa mmoja kwaajili ya kunibebea mzigo kutoka stand na kunipelekea ofsin kwangu, katika maongezi akanipa story moja ya Fundi gari mmoja ambaye ni mtaaramu wa BMW akasema yule Bwana anajulikana balaa anatafuta kama pesa, tatizo sasa hana office, kwaiyo yeye gari ikiletwa garage yoyote anapigiwa simu anakuja kutengeneza na pale anapotengenezea razima alipe ushuru sasa vip angekuwa na garage yake?  Kilichonishangaza ni kuwa elimu yake ni kidato cha nne ila kwa sababu ya uzoefu unaweza sema labda anamasters ya engineering.

Kwaiyo basi na sisi katika idara au mazingira yetu tuliomo ebu tuutumie vizuri uzoefu wetu vizuri naamini tutafanikiwa, kama wewe ni mwalimu Anzisha shule(napenda kutumia walimu maana nawapenda sana watu hawa na ndio walionifikisha apa nilipo), kama wewe ni pharmasia anzisha dispensary.  Kisha utaona majibu yake.

Basi kwa leo niishie apo, nakukaribisha katika sehemu ya tatu ya darasa hili. 
Ni mimi Mkufunzi na Mshauri wako wa maswala ya biashara, Frank A Ndyanabo
+255785494456
www.fancompany.blogspot.com

Comments

Post a Comment

Popular posts from this blog

ZIFAHAMU FAIDA ZA NANASI KAMA DAWA MWILINI

Image
Nanasi ni mojawapo ya matunda niyapendayo sana. Ni matamu, yana maji mengi, na ladha iliyo kamili. Nimeona ni vizuri kuweza kuchangia mawazo yangu juu ya faida kubwa za kula nanasi kwa wingi ili kuweza kuboresha afya yako. Cha msingi zaidi, nanasi hutumika kama dawa ya kuulinda mwili mwako. Tuangalie faida moja moja za nanasi kwa mwili wako: 1.Kuondoa Uvimbe . Nanasi ina kimeng’enya kinachoitwa bromelain, kinachosaidia kutibu vitu mbalimbali mwilini lakini ni madhubuti kwa kupunguza uvimbe wa ngozi kutokana na maambukizi au vidonda. Bromelain ni madhubuti pia katika kupunguza mauvimu ya viungo au uvimbe sugu. Kimeng’enyo hiki pia kina kemikali zinazosaidia kuangamiza seli za uvimbe mwilini. 2.Kuongeza kinga ya mwili . Nanasi lina vitamin C kwa wingi pamoja na vitamin A, B1, B6, nyuzinyuzi (fiber), calcium, phosphorous na potasiam. Nanasi husaidia kuimarisha mifupa kutokana kuwa na madini ya manganese, ambayo hutumika mwilini kujenga tishu (connective tissues) na mifu...
Read more

FAIDA KUMI ZA MAPERA MWILINI.

Image
Mapera ni matunda yanayo patikana kwa wingi lakini mara nyingi huwa hayapendelewi sana kutokana na ugumu wake wakati wa kuyatafuna pamoja na kuwa na mbegu mbegu nyingi. Hata hivyo matunda haya yana faida kubwa sana kwa afya ya mwili wa mwanadamu. Zifuatazo ni faida kumi za mapera. 1. Utajiri wa Vitamin C: Mapera yana utajiri mkubwa wa Vitamin C ambayo ni muhimu sana katika mwili wa mwanadamu. 2. Ni kinga nzuri ya kisukari. Ulaji wa watu wengi unawaweka katika hatari ya kupatwa na ugonjwa wa kisukari lakini matumizi ya mapera yatakupunguzia hatari ya kupatwa na ugonjwa wa kisukari Hii ni kwa sababu mapera yana utajiri mkubwa sana wa Fibre. Fibre ni muhimu sana katika kupunguza kiasi cha sukari kwenye damu. Vilevile ni muhimu sana katika kuusafisha mfumo wa usahihi. 3. Kuimarisha Uwezo Wa Kuona Mapera yana utajiri mkubwa sana wa Vitamin A au Retinol ambayo ni muhimu sana katika kusaidia kuona vizuri. Hivyo basi kama ilivyo kwa karoti, mapera yanasaidia sana katika kuongeza na ku...
Read more

FAIDA ZA MMEA WA GINSENG

Image
FAIDA ZA MMEA WA GINSENG. Ginseng ,au maarufu kama “king of herb” (mfalme wa mimea). Mmea huu umekuwa moja ya maajabu ya dunia kutokana na uhodari wake katika matibabu.  Mmea huu unapatikana hasa kaskazini  mwa America na Mashariki mwa Asia(hasa kaskazini mwa china,Japani na Korea) hasa maeneo yenye baridi. Kuna aina kuu mbili za mmea huu : American Ginseng(Panax quinquefolium) na Asian Ginseng au China ginseng(Panax ginseng) American Ginseng ni  zenya asili ya ubaridi( Ying energy) na Asian Ginseng ni zenye asili ya ujoto(Yang ginseng) , hivyo  basi watu wenye asili ya ubaridi  au waishio maeneo ya baridi  wanashauriwa kutumia Asian ginseng ili waweze kupata joto na wale wenye asili ya joto au waishio maeneo ya joto wanashauriwa kutumia American ginseng kwaajili ya kuongeza baridi katika mili yao. Vinginevyo matatizo makubwa yanaweza kujitokeza hasa kwa watu wenye shinikizo la damu . Mbali na utofauti wote huo lakini mimea yote ina kiungo ...
Read more