ZIFAHAMU NJIA SAHIHI ZA KUBADILI MAISHA YAKO.

ZIFAHAMU NJIA SAHIHI ZA KUBADILI MAISHA YAKO.

SEHEMU YA 1:

Kila mtu anatamani maisha yake yabadilike kutoka alipo na kusonga mbele zaidi.  Ila maisha hubadilika pale tu unapotaka yabadilike. Na ili yaweze kubadilika lazima ukubali kupigika kwa ajili ya kuyafanya yabadilike.  Huwezi kulala na kuamka ukakuta yamebadilika.

Leo nimeamua kukuletea njia zitakazo fanya maisha yako yabadilike kikamilifu endapo utayazingatia.  Siku zote ndoto yangu mimi Frank A. Ndyanabo - FAN ni kuona kila ninacho kifanya kinaleta matunda chanya kwa watu hasa wewe unayesoma na kufuatilia makala zangu hapa kila siku. 

Ila ndoto hii na furaha yangu haiwezi kukamilika kama hautawashirikisha ndugu jamaa na marafiki zako ili na wao wapate ujumbe huu. Sasa hebu njoo tutembee pamoja tujifunze mambo haya.

1. Ondoa mambo mabaya maishani mwako.

Ukiona kitu fulani hakikuongezei thamani au hakina manufaa maishani mwako huna budi kukiacha.  Huwezi kupata maisha mapya bila kukubali kuachana na yale ya zamani. Na kuachana na mambo ya nyuma yakupasa kuwa na ujasiri mkubwa ili uweze kuachana na kile kisicho na manufaa na kuanza upya kutafuta kile kipya.  Kumbuka kile chenye kukupa matokeo hasi hukupa somo katika maandalizi ya kuanzisha chenye majibu chanya.

Hebu jitafakari hapo ulipo, ni kitu gani umeking'ang'ania ila hakikupi majibu mazuri?  Au ni mahusiano yapi umeyashikilia lakini hayana majibu mazuri kwako?  Au ni kwakuwa huna jinsi na inakulazimu kuwa ivyo?  Ikane nafsi yako na achana nayo, na anzisha jambo jipya naamini utaona maajabu na utanitafuta na kusema Mr.  Frank A Ndyanabo, jambo fulani nimeachana nalo na nina matokeo mazuri.  Jenga ujasiri ndani yako na simama kiume.

2. Amini kuwa unaweza.

Huu ni ugonjwa mkubwa sana maishani mwetu, kwa kujiaminisha kuwa hatuwezi kufanya mambo makubwa kwakuwa hatuko kama wale wengine.  Huu ugonjwa mimi ulinisumbua sana lakini niliweza kuukataa na nakusihi wewe kuukataa. 

Usiogope nafasi iliyopo kati ya ndoto yako na ukweli halisia, una uwezo wa kufanya mambo makubwa na ya kushangaza ulimwengu. Usikubali kujikatisha au kukatishwa tamaa.  Mafanikio yako yanakungoja na yako karibu zaidi ya unavyo fikiria. Imani utakayo jijengea ndio itakayo kufikisha pale upatakapo.  Waliofanikiwa katika ulimwengu huu ni wanadamu na walikuwa kama wewe ulivyo.  Hakuna aliyekuja duniani na vitu vyote unavyoviona kwao. Bali waliamini wanaweza na wakafanya, sasa kwanini wewe usifanye.  Amini unaweza na hakuna wa kukuzuia.

3. Fanya kwa bidii zote kile unachokipenda zaidi na unaamini ndio ndoto yako.

Ndoto siku zote huwa haitimii kama muujiza bali hutengenezwa, huitaji ujasiri, nguvu na kuvuja jasho kwa ajili ya kuitimiza.

Kumbuka mazingira magumu tunayo kumbana nayo huwa hayadumu bali sisi ndio hudumu. Nikuulize swali hapo hapo; toka umekuwepo hapa duniani ni changamoto ngapi umekumbana nazo mpaka Sasa, Je bado zipo au wewe ndio upo?  Changamoto na vikwazo siku zote huyeyuka pale tunapo amua kusimama kwa ujasiri na kupambana nazo.

Kama umedhamiria kutimiza ndoto yako basi kila kuchapo amka na taswira mpya ya kupambana na kuhakikisha kile ulicho kilenga kinatimia.

4. Simama mwenyewe.

Huwezi kuwalazimisha watu wakuheshimu hata siku moja, bali unaweza kukataa kutokuheshimika kwa kufanya yale yalio sahihi kwao na kwako mwenyewe.

Fanya kile unachokiamini ni sahihi kwako na usikubali kuingiliwa au kuamuliwa.  Kwa lugha nyingine tunasema jisimamie mwenyewe. Na usikubali mtu mwingine akujengee kizuizi mbele yako.

5. Achana na mambo yaliopita.

Kuna watu wanapoteza muda sana kwa kufikiria mambo yaliyopita.  Mambo yaliyopita yamepitwa na wakati sasa ni wakati wa kuganga ya mbele.

Usiwe mtumwa wa mambo ya nyuma, yaliyo nyuma yako ni kivuli cha kupuuza, achana nacho.  Waza yalio mbele yako na simama kidete kwa kusonga mbele na amini ya kuwa wewe ndio wewe achana na na ya nyuma yako.

Kumbuka maisha yako yatabadika endapo utayafuata haya na kuyazingatia, na usisahau kuwashirikisha na wengine ili nao waweze kujifunza ambacho na wewe umejifunza hapa.

Usikose sehemu ya 2,ya makala hii ili tuweze kuendelea kujengana na kujifunza.

Ni mimi Mkufunzi na Mshauri wako : Frank A. Ndyanabo - FAN

Comments

Post a Comment

Popular posts from this blog

ZIFAHAMU FAIDA ZA NANASI KAMA DAWA MWILINI

Image
Nanasi ni mojawapo ya matunda niyapendayo sana. Ni matamu, yana maji mengi, na ladha iliyo kamili. Nimeona ni vizuri kuweza kuchangia mawazo yangu juu ya faida kubwa za kula nanasi kwa wingi ili kuweza kuboresha afya yako. Cha msingi zaidi, nanasi hutumika kama dawa ya kuulinda mwili mwako. Tuangalie faida moja moja za nanasi kwa mwili wako: 1.Kuondoa Uvimbe . Nanasi ina kimeng’enya kinachoitwa bromelain, kinachosaidia kutibu vitu mbalimbali mwilini lakini ni madhubuti kwa kupunguza uvimbe wa ngozi kutokana na maambukizi au vidonda. Bromelain ni madhubuti pia katika kupunguza mauvimu ya viungo au uvimbe sugu. Kimeng’enyo hiki pia kina kemikali zinazosaidia kuangamiza seli za uvimbe mwilini. 2.Kuongeza kinga ya mwili . Nanasi lina vitamin C kwa wingi pamoja na vitamin A, B1, B6, nyuzinyuzi (fiber), calcium, phosphorous na potasiam. Nanasi husaidia kuimarisha mifupa kutokana kuwa na madini ya manganese, ambayo hutumika mwilini kujenga tishu (connective tissues) na mifu...
Read more

FAIDA KUMI ZA MAPERA MWILINI.

Image
Mapera ni matunda yanayo patikana kwa wingi lakini mara nyingi huwa hayapendelewi sana kutokana na ugumu wake wakati wa kuyatafuna pamoja na kuwa na mbegu mbegu nyingi. Hata hivyo matunda haya yana faida kubwa sana kwa afya ya mwili wa mwanadamu. Zifuatazo ni faida kumi za mapera. 1. Utajiri wa Vitamin C: Mapera yana utajiri mkubwa wa Vitamin C ambayo ni muhimu sana katika mwili wa mwanadamu. 2. Ni kinga nzuri ya kisukari. Ulaji wa watu wengi unawaweka katika hatari ya kupatwa na ugonjwa wa kisukari lakini matumizi ya mapera yatakupunguzia hatari ya kupatwa na ugonjwa wa kisukari Hii ni kwa sababu mapera yana utajiri mkubwa sana wa Fibre. Fibre ni muhimu sana katika kupunguza kiasi cha sukari kwenye damu. Vilevile ni muhimu sana katika kuusafisha mfumo wa usahihi. 3. Kuimarisha Uwezo Wa Kuona Mapera yana utajiri mkubwa sana wa Vitamin A au Retinol ambayo ni muhimu sana katika kusaidia kuona vizuri. Hivyo basi kama ilivyo kwa karoti, mapera yanasaidia sana katika kuongeza na ku...
Read more

FAIDA ZA MMEA WA GINSENG

Image
FAIDA ZA MMEA WA GINSENG. Ginseng ,au maarufu kama “king of herb” (mfalme wa mimea). Mmea huu umekuwa moja ya maajabu ya dunia kutokana na uhodari wake katika matibabu.  Mmea huu unapatikana hasa kaskazini  mwa America na Mashariki mwa Asia(hasa kaskazini mwa china,Japani na Korea) hasa maeneo yenye baridi. Kuna aina kuu mbili za mmea huu : American Ginseng(Panax quinquefolium) na Asian Ginseng au China ginseng(Panax ginseng) American Ginseng ni  zenya asili ya ubaridi( Ying energy) na Asian Ginseng ni zenye asili ya ujoto(Yang ginseng) , hivyo  basi watu wenye asili ya ubaridi  au waishio maeneo ya baridi  wanashauriwa kutumia Asian ginseng ili waweze kupata joto na wale wenye asili ya joto au waishio maeneo ya joto wanashauriwa kutumia American ginseng kwaajili ya kuongeza baridi katika mili yao. Vinginevyo matatizo makubwa yanaweza kujitokeza hasa kwa watu wenye shinikizo la damu . Mbali na utofauti wote huo lakini mimea yote ina kiungo ...
Read more